¹ И рече Господь ко мне: еще иди и возлюби жену любящую зло и любодейцу, якоже любит Бог сыны израилевы: сии же взирают к богом чуждим и любят варения с коринками. ² И наях себе оную пятиюнадесять сребрениками и гомором ячменя и невелем вина, ³ и рекох ей: дни многи да седиши у мене и аз у тебе, и не соблудиши, ни будеши мужу иному: ⁴ зане дни многи сядут сынове израилевы, не сущу царю, ни сущу князю, ни сущей жертве, ни сущу жертвеннику, ни жречеству, ниже явлением: ⁵ и посем обратятся сынове израилевы и взыщут Господа Бога своего и давида царя своего, и почудятся о Господе и о благостех его в последния дни.