¹ Разума давиду, внегда быти ему в вертепе молящемуся. ² Гласом моим ко Господу воззвах, гласом моим ко Господу помолихся. ³ Пролию пред ним моление мое, печаль мою пред ним возвещу. ⁴ Внегда изчезати от мене духу моему, и ты познал еси стези моя: на пути сем, по немуже хождах, скрыша сеть мне. ⁵ Сматрях одесную и возглядах, и не бе знаяй мене: погибе бегство от мене, и несть взыскаяй душу мою. ⁶ Воззвах к тебе, Господи, рех: ты еси упование мое, часть моя еси на земли живых. ⁷ Вонми молению моему, яко смирихся зело: избави мя от гонящих мя, яко укрепишася паче мене. ⁸ Изведи из темницы душу мою, исповедатися имени твоему: мене ждут праведницы, дондеже воздаси мне.