¹ Бог ста в сонме богов, посреде же боги разсудит. ² Доколе судите неправду, и лица грешников приемлете? ³ Судите сиру и убогу, смирена и нища оправдайте: ⁴ измите нища и убога, из руки грешничи избавите его. ⁵ Не познаша, ниже уразумеша, во тме ходят: да подвижатся вся основания земли. ⁶ Аз рех: бози есте, и сынове вышняго вси: ⁷ вы же яко человецы умираете, и яко един от князей падаете. ⁸ воскресени, Боже, суди земли: яко ты наследиши во всех языцех.