¹ Сии же родове исавли, сей есть едом. ² Исав же поя себе жены от дщерей хананейских: аду, дщерь елома хеттеина, и оливему, дщерь ананю сына севегона евеина, ³ и васемафу, дщерь исмаилю, сестру навеофову. ⁴ Роди же ада исаву елифаса, и васемаф роди рагуила, ⁵ и оливема роди иеуса и иеглома и кореа: сии сынове исавли, иже быша ему в земли ханаанстей. ⁶ Поя же исав жены своя и сыны своя и дщери своя, и вся телеса дому своего и вся имения своя и вся скоты, и вся, елика притяжа, и вся, елика приобрете в земли ханаанстей, и отиде исав из земли ханаанския от лица иакова брата своего: ⁷ бяху бо имения их многа, еже жити вкупе: и не можаше земля обитания их вместити их, от множества имений их. ⁸ Вселися же исав на горе сиир: исав той есть едом. ⁹ Сии же родове исава, отца едомля, на горе сиир: ¹⁰ и сия имена сынов исавлих: елифас, сын ады, жены исавли, и рагуил, сын васемафы, жены исавли. ¹¹ Быша же елифасу сынове: феман, омар, софар, гофом и кенез. ¹² Фамна же бяше наложница елифаса, сына исавля, и роди елифасу амалика: сии сынове ады, жены исавли. ¹³ Сии же сынове рагуиловы: нахоф, заре, соме и мозе: сии быша сынове васемафы, жены исавли. ¹⁴ Сии же сынове оливемы дщере анани сына севегоня, жены исавли: роди же исаву иеуса и иеглома и кореа. ¹⁵ Сии старейшины сына исавля, сынове елифаса, первенца исавля: старейшина феман, старейшина омар, старейшина софар, старейшина кенез, ¹⁶ старейшина корей, старейшина гофом, старейшина амалик: сии старейшины елифаса в земли идумейстей, сии сынове адины. ¹⁷ И сии сынове рагуила, сына исавля: старейшина нахоф, старейшина заре, старейшина соме, старейшина мозе: сии старейшины рагуиловы в земли едомстей, сии сынове васемафы, жены исавли. ¹⁸ Сии же сынове оливемы, жены исавли: старейшина иеус, старейшина иеглом, старейшина корей: сии старейшины оливемы, дщере анани, жены исавли, ¹⁹ сии сынове исавли и сии старейшины их, сии суть сынове едомли. ²⁰ Сии же сынове сиира хорреова жившаго на земли: лотан, совал, севегон, ана ²¹ и дисон, и асар и рисон: сии старейшины хорреова сына сиира в земли едомстей. ²² Быша же сынове лотани: хорри и еман, сестра же лотаня фамна. ²³ Сии же сынове соваловы: голам и манахаф, и гевил и софар и омар. ²⁴ И сии сынове севегони: аие и ана: сей есть ана, иже обрете иаминь в пустыни, егда пасяше подяремники севегона, отца своего. ²⁵ Сии же сынове анани: дисон и оливема, дщи ананя. ²⁶ Сии же сынове дисоновы: амада и асван, и ифран и харран. ²⁷ Сии же сынове асаровы: валаам и зукам, и укам и укан. ²⁸ Сии же сынове рисоновы: ос и аран. ²⁹ Сии же старейшины хорриовы: старейшина лотан, старейшина совал, старейшина севегон, старейшина ана, ³⁰ старейшина дисон, старейшина асар, старейшина рисон: сии старейшины хорриовы во областех их в земли едомли. ³¹ И сии царие царствовавшии во едоме, прежде царствования царей во израили: ³² и царствова во едоме валак, сын веоров: имя же граду его деннава. ³³ Умре же валак, и царь бысть по нем иовав, сын зарин от восорры. ³⁴ Умре же иовав, и царь бысть по нем асом от земли феманони. ³⁵ Умре же асом, и бысть царь по нем адад сын варадов, иже изсече мадиама на поли моавли: имя же граду его гетфем. ³⁶ Умре же адад, и царь бысть по нем самада от массеккаса. ³⁷ Умре же самада, и царь бысть по нем саул из роовофа, иже есть близ реки. ³⁸ Умре же саул, и царь бысть по нем вааленнон, сын аховорь. ³⁹ Умре же вааленнон сын аховорь, и царь бысть по нем арад, сын варадов: и имя граду его фогор, имя же жене его метевеиль, дщерь матраифа, сына мезоовля. ⁴⁰ Сия имена старейшин исавлих в племенех их, по месту их, во странах их и в языцех их: старейшина фамна, старейшина гола, старейшина иефер, ⁴¹ старейшина оливема, старейшина ила, старейшина финон, ⁴² старейшина кенез, старейшина феман, старейшина мазар, ⁴³ старейшина магедиил, старейшина зафой: сии старейшины едомли, живущии в земли притяжания их: сей исав отец едомль.