И постави фараон нехао елиакима сына иосиина царем над иудою и Иерусалимом вместо иосии отца его, и премени имя его иоаким. Иоахаза же брата его взя фараон нехао и введе его во египет, и умре тамо: сребро же и злато даде фараону. Тогда нача земля поддана быти, еже даяти сребро по словеси фараонову: и кийждо по силе истязаше сребро и злато от людий земли, еже даяти фараону нехао.