¹ И опечалився плаках, и молихся с болезнию, глаголя: ² праведен еси, Господи, и вся дела твоя, и вси путие твои милость и истниа, и суд истинен и праведен ты судиши во век: ³ помяни мя и призри на мя да не отмщаеши ми грехи моя и неведения моя и отец моих, имиже согрешиша пред тобою: ⁴ преслушаша бо заповеди твоя и дал еси нас в расхищение и пленение и смерть и в притчу поношения всем языком, в няже расточихомся: ⁵ и ныне многи судбы твоя суть и истинны, творите со мною о гресех моих и отец моих, яко не сотворихом повелений твоих, не бо ходихом во истине пред тобою: ⁶ и ныне, якоже угодно пред тобою, сотвори со мною: повели отяти дух мой, яко да разрешуся и буду земля, понеже уне есть ми умрети, нежели живу бытн, зане поношения лжива слышах, и печаль есть многа во мне: повели отрешитися ми от нужды уже на вечное место, да не отвратиши лица твоего от мене. ⁷ В тойже день случися дщери рагуилевей сарре бо екватанех мидии, и той поносимей быти от рабынь отца ея: ⁸ ако бяше дана седми мужем, и асмодей лукавый демон уби их, прежде даже быти им с нею яко с женами: и реша ей: не разумееши ли убивающи твоих мужей? уже седмь имела еси, и ни единаго их нареклася еси: ⁹ что нас биеши? аще измроша, иди с ними, да не видим твоего сына или дщере во век. ¹⁰ Сия слышавши опечалися зело, яко удавитися, и рече: едина убо есмь отцу моему: аще сотворю сие, укоризна ему будет, и старость его ннзведу с болезнию во ад. ¹¹ И моляшеся при оконцы и рече: благословен еси, Господи Боже мой, и благословено имя твое святое и честное во веки: да благословят тя вся дела твоя во век: ¹² и ныне, Господи, очи мои и лице мое ко тебе дах: ¹³ рех да разрешиши мя от земли и да не слышу аз ктому поношения: ¹⁴ ты весн, Господи, яко чиста есмь от всякаго греха мужня ¹⁵ и не оскверних имене моего ннже имене отца моего в земли пленения моего: единородна есмь отцу моему, и несть ему отрочища, иже наследит его, ниже брата ближняго, ниже сущаго ему сына да соблюду мя тому в жену: уже погибоша ми седмь: вскую ми жити? и аще не угодно есть тебе убити мя, повели призрети на мя и помиловати мя, да не ктому слышу поношение. ¹⁶ И услыша Господь молитву обоих пред славою великаго рафаила, ¹⁷ и послан бе изцелити обоих, товиту очистити бельма и сарру дщерь рагуилеву дати товии сыну товитову в жену, и связати асмодеа лукаваго демона, зане товии подоает наследити ю. В то время возвратився товит, вниде в дом свой, а сарра дщи рагуилева сниде от горницы своея.