¹ И постави давид царь и князи силы над делы сыны асафовы и емани и идифумовы, иже провещаваху в гуслех и псалтирех и кимвалех, и бысть число их по главам мужей творящих дела своя. ² Сынове асафовы: закхур и иосиф, и нафаниа и асиил: сынове асафовы держащеся асафа пророка близ царя. ³ Идифуму сынове идифумли: годолиа и сури, и исеа и семей, и асавиа и маттафиа, шесть по отце своем идифуме в гусли бряцающе исповедание и хваление Господеви. ⁴ Еману сынове емани: вукиа и мафаниа, и озиил и суваил, и иеримуф и ананиа, и анан и елиафа, и годоллафий и ромамфиезер, и савах и маллифий, а офир и мазиоф. ⁵ Вси сии сынове емана бряцающаго царю в словесех Божиих, да вознесется рог. Даде же Бог еману сынов четыренадесять и три дщери: ⁶ вси сии со отцем своим воспевающе в дому Божии в кимвалех и во псалтирех и гуслех, в служение дому Божия близ царя, и асаф и идифум, и еман. ⁷ Бысть же число их со братиею их научени пению Господню и всех разумеющих (пения) двести осмьдесят и осмь. ⁸ Вергоша же и сии жребия чреды дневныя, по малу и по велику совершенных и учащихся. ⁹ И изыде жребий первый сынов его и братии его асафу иосифову, годолиа: вторый иниа, сынове его и братия его дванадесять: ¹⁰ третий закхур, сынове его и братия его дванадесять: ¹¹ четвертый иезрий, сынове его и братия его дванадесять: ¹² пятый нафан, сынове его и братия его дванадесять: ¹³ шестый вукиа, сынове его и братия его дванадесять: ¹⁴ седмый иериил, сынове его и братии его дванадесять: ¹⁵ осмый иосиа, сынове его и братия его дванадесять, ¹⁶ девятый матфаниа, сынове его и братии его дванадесять: ¹⁷ десятый семеиа, сынове его и братия его дванадесять: ¹⁸ первыйнадесять езриил, сынове его и братия его дванадесять: ¹⁹ вторыйнадесять асавиа, сынове его и братия его дванадесять: ²⁰ третийнадесять суваил, сынове его и братии его дванадесять: ²¹ четвертыйнадесять матфафиа, сынове его и братии его дванадесять: ²² пятыйнадесять иеримуф, сынове его и братия его дванадесять: ²³ шестыйнадесять ананиа, сынове его и братия его дванадесять: ²⁴ седмыйнадесять иесвак, сынове его и братия его дванадесять: ²⁵ осмыйнадесять ананиа, сынове его и братия его дванадесять: ²⁶ девятыйнадесять меллифий, сынове его и братия его дванадесять: ²⁷ двадесятый елиафа, сынове его и братия его дванадесять: ²⁸ двадесять первый иефир, сынове его и братия его дванадесять: ²⁹ двадесять вторый годоллафий, сынове его и братия его дванадесять: ³⁰ двадесять третий меазоф, сынове его и братия его дванадесять: ³¹ двадесять четвертый рометфиезер, сынове его и братия его дванадесять.