¹ Сынове же иудины: фарес, есром и хармий, и ор и сувал, ² и рада сын суваль. Сувал же роди иефа, иеф же роди ахимеа и лаада: сии родове арафиины. ³ И сии сынове етановы: иезраиль и иесман и иевдан: имя же сестре их есиадесфон. ⁴ И фануил отец гедоров, и езер отец осань: сии сынове ора первенца ефрафа, отца вефлаемля. ⁵ Ассуру же отцу фекоеву бысте две жене: халла и маара: ⁶ роди же ему маара ахаза и афера, и фемана и аасфира: вси сии сынове маарины. ⁷ И сынове хеллани: сереф и саар и есфанам. ⁸ Кое же роди енова и совива и рождение брата рихава, сына иаримля. ⁹ Бысть же иавис честнейший братии своея: и мати его нарече имя его в болезни. ¹⁰ И призва иавис Бога израилева, глаголя: аще благословляя благословиши мене и распространиши пределы моя, и будет рука твоя со мною, и сотвориши мя во уразумение, еже не смирити мя. И даде ему Бог вся, елика просих есть. ¹¹ Халев же отец асхань роди махира: сый отец ассафонов. ¹² И ассафон роди сафрефу и фессию, и фана отца града нааса, брата селома кенезиина и ахазова: сии мужие рихавли. ¹³ Сынове же кенезиины: гофониил и сараиа. Сынове же гофониилевы афаф. ¹⁴ Манафай же роди гофора, и сараиа роди иорама, отца гисасариимля, зане художницы быша. ¹⁵ Сынове же халева сына иефонниина ир, ила и наам. Сынове же илы кенез. ¹⁶ Сынове же амелимли: зиф и зефа, и фириа и есерил. ¹⁷ Сынове же еврины: иефер, морад, и афер и иамон: и роди иефер марона, и семею, и иесву отца гедорова и отца есфамоня. ¹⁸ Жена же его сия адиа роди ему иареда отца гедоря, и авера отца сохоня, и ехфииля, отца заноня. Сии же сынове веффии дщере фараоновы, юже поят морил. ¹⁹ И сынове жены идумеаныни, сестры ханема и далиа отца кеила, и симеон отец иомамов. И сынове наимовы отца кеилова: гармий и есфемоний иже из махафы. ²⁰ Сынове же симеони: амнон и рамнон сын анань и фимнон. И сынове еси: зохаф, и сынове зохафовы. ²¹ Сынове силома, сына иудина: ир отец лихавль, и лаада отец марисань: и племя дому делателей виссона в дому есовы, ²² и иоаким, и мужие хозива и иоас и сараф, иже вселишася в моаве: и возврати их аведир в мафукиим. ²³ Сии скудельницы обитающии во атаиме и гадире с царем, и в царстве его укрепишася и вселишася тамо. ²⁴ Сынове симеони: намуил и иамин и иарив, саре, саул. ²⁵ Салем сын его, масан сын его, масма сын его, ²⁶ амуил сын его, савуд сын его, закхур сын его, семей сын его. ²⁷ Сынове же семеины шестьнадесять и дщерей шесть. Братиям же их не быша сынове мнози, и вся племена их не умножишася якоже сынове иудины, ²⁸ и обитаху в вирсавеи и саваде, и монаде и во есерсуале, ²⁹ и в валааи и во асеме, и во фоладе ³⁰ и в вафуиле, и в ерме и в сикелаи, ³¹ и во вефмаримофе и во имисусеосине и в дому варусеоримли: сии грады их даже до царя давида, ³² и села их: етам и ин, рамнон и фоккан и есар, градов пять. ³³ И вся веси их окрест градов сих, даже до ваала: сие обдержание их и разделение их. ³⁴ Мосовав же и иемолох, и иосиа сын амасиев, ³⁵ и иоиль и ииуй сын асавиев, сын сараев, сын асииль, ³⁶ и елионай и иокава, и иасуиа и асеа, и иедиил и исмаил и ванеа ³⁷ и зуза сын сафеиев, сына алоня, сына иедиина, сына семриня, сына самеина. ³⁸ Сии произшедшии во именех князей, в родех своих и в домех отечеств своих умножишася во множество, ³⁹ и поидоша да внидут в герары даже до восток дебри взыскати пажити скотом своим: ⁴⁰ и обретоша пажити премноги и благи: и земля пространна пред ними, и мир и покой, зане прежде обитаху от сынов хамовых тамо. ⁴¹ И приидоша сии написаннии имены во дни езекии царя иудина и побиша жителей их и обитание, ихже обретоша ту, и искорениша их даже до дне сего: и вселишася вместо их, яко пажить скотом их бяше тамо. ⁴² От сих же от сынов симеоних идоша в гору сиир мужей пять сот, и фалтиа и ноадиа, и рафаиа и озиил, сынове иесы, князи их: ⁴³ и побиша останки оставшыяся от амалика, и вселишася тамо даже до дне сего.