¹ павел, апостол Иисус Христов волею Божиею, и тимофей брат, ² сущым в колоссаех святым и верным братиям о Христе Иисусе: ³ благодать вам и мир от Бога Отца нашего, и Господа Иисуса Христа. Благодарим Бога и Отца Господа нашего Иисуса Христа, всегда о вас молящеся, ⁴ слышавше веру вашу, яже о Христе Иисусе, и любовь, юже имате ко всем святым, ⁵ за упование отложенное вам на небесех, еже прежде слышасте в словеси истины блговествования, ⁶ сущаго в вас, якоже и во всем мире: и есть плодоносно и растимо, якоже и в вас, от негоже дне слышасте и разуместе благодать Божию во истине: ⁷ якоже и уведесте от епафраса, возлюбленнаго соработника нашего, иже есть верен о вас служитель Христов, ⁸ иже и яви нам вашу любовь в дусе. ⁹ Сего ради и мы, от негоже дне слышахом, не престаем о вас молящеся и просяще, да исполнитеся в разуме воли его, во всяцей премудрости и разуме духовнем, ¹⁰ яко ходити вам достоине Богу во всяцем угождении и всяком деле блазе, плодоносяще и возрастающе в разуме Божии, ¹¹ всякою силою возмогающе по державе славы его, во всяцем терпении и долготерпении с радостию. ¹² благодаряще Бога и Отца, призвавшаго вас в причастие наследия святых во свете. ¹³ иже избави нас от власти темныя и престави в Царство Сына любве своея, ¹⁴ о немже имамы избавление кровию его и оставление грехов. ¹⁵ иже есть образ Бога невидимаго, перворожден всея твари. ¹⁶ яко тем создана быша всяческая, яже на небеси и яже на земли, видимая и невидимая, аще престоли, аще господствия, аще начала, аще власти: всяческая тем и о нем создашася. ¹⁷ и той есть прежде всех, и всяческая в нем состоятся. ¹⁸ И той есть глава телу Церкве, иже есть начаток, перворожден из мертвых, яко да будет во всех той первенствуя. ¹⁹ яко в нем благоизволи всему исполнению вселитися, ²⁰ и тем примирити всяческая к себе, умиротворив кровию креста его, чрез него, аще земная, аще ли небесная. ²¹ И вас, иногда сущих отчужденных и врагов помышленьми в делех лукавых, ²² ныне же примири в теле плоти его смертию его, представити вас стых и непорочных и неповинных пред собою, ²³ аще убо пребываете в вере основани и тверди, и неподвижими от упования блговествования, еже слышасте, проповеданное всей твари поднебесней, емуже бых аз павел служитель. ²⁴ Ныне радуюся во страданиих моих о вас, яко исполняю лишение скорбей Христовых во плоти моей за тело его, еже есть Церковь. ²⁵ ейже бых аз служитель по смотрению Божию, данному мне в вас, исполнити слово Божие, ²⁶ тайну сокровенную от век и от родов: ныне же явися святым его, ²⁷ имже восхоте Бог сказати, кое богатство славы тайны сея во языцех, иже есть Христос в вас, упование славы, ²⁸ егоже мы проповедуем, наказующе всякаго человека и учаще всяцей премудрости, да представим всякаго человека совершенна о Христе Иисусе: ²⁹ в немже и труждаюся и подвизаюся по действу его действуемому во мне силою.