¹ И бысть егда скончах глаголати словеса сия, послан есть ко мне ангел, иже посланъ бе ко мне в прежния нощи, ² и рече ко мне: востани, ездро, и слыши словеса, яже приидох глаголати к тебе. ³ И рекох: глаголи, господи мой. И рече ко мне: море поставлено есть в пространне месте, дабы было глубоко и безмерно, ⁴ будет же ему вход в тесне месте поставлен, дабы подобно рекам было: ⁵ кто бо хотяй восхощет внити в море и видети е, или господствовати им, аще не пройдетъ тесноты, в широту како приити может? ⁶ и паки ино: град создан есть и поставленъ на месте полевом, есть же исполнен всеми благими: ⁷ вход его тесен и в стремнине поставлен, дабы одесную огнь был, ошуюю же вода глубока: ⁸ стезя же есть едина токмо между има проложена, сиречь между огнем и водою, едину токмо ступень человечу могущая вместити: ⁹ егда убо дастся град сей человеку в достояние, аще не пройдет когда предположеннаго бедства, како приимет достояние свое? ¹⁰ И рекох: тако, Господи. И рече ко мне: тако есть и израилева часть: ¹¹ их бо ради сотворих век, и егда преступилъ есть адам законоположения моя, суждено бысть еже сотворено есть: ¹² и сотворишася входи сего века тесни и болезненни и трудни, мали же и лукави, и бедствъ полни и трудом великим утвержденни, ¹³ ибо болшаго века входи пространни и безопасни и творящии безсмертный плод: ¹⁴ аще убо входящии не внидут, иже живут, в тесная и суетная сия, не возмогут прияти, яже суть уготована: ¹⁵ ныне убо вскую ты смущаешися, егда еси тленен, и что мятешися ты, егда еси смертен? ¹⁶ и вскую не приял еси в сердцы твоем, еже есть будущее, но еже настоящее? ¹⁷ Отвещах и рех: владыко Господи! се, устроилъ еси законом твоим, яко праведнии наследятъ сия, нечестивии же погибнут: ¹⁸ праведнии же понесут тесноту надеющеся пространных: иже бо нечестиво сотвориша, и тесноту пострадавше пространных не узрят. ¹⁹ И рече ко мне: несть судия паче Бога, ни разумеваяй паче вышняго: ²⁰ погибают бо мнози настоящии, понеже не радятъ о предположеннем Божии законе: ²¹ повелевая бо повеле Бог приходящим, егда приидоша, что творяще живи будут, и что храняще казними не будут: ²² тии бо не суть увещани, и противишася ему, и положиша себе помышление суетное, ²³ и представиша себе обхождение грехов, и глаголаша вышнему не быти, и путий его не познаша, ²⁴ и закон его уничижиша, и обетования его отвергоша, и в законех его веры не имеша, и дел его не совершиша: ²⁵ того ради, ездро, тшетная тщетнымъ и полная полным: ²⁶ се, время приидет, и будет, егда приидутъ знамения, яже предрекох тебе, и явится невеста, и являющися покажется, яже ныне крыется от земли, ²⁷ и всяк, иже избавлен есть от предреченныхъ злых, той узрит дивная моя: ²⁸ открыетбося сын мой Иисус с теми, иже с ним суть, и насладятся, иже оставлени суть, в летех четырех стех: ²⁹ и будет по летех сих, и умрет сынъ мой христос, и вси иже дыхание имут человецы, ³⁰ и обратится век в древнее молчание дний седмь, якоже в прежних судех, тако яко да никто останется: ³¹ и будет по днех седми, и возбудится, иже не у бдит, век и умрет растленный, ³² и земля издаст тех, иже в ней спят, и прах, иже в нем молчанием обитают, и хранилища издадут вданныя им души: ³³ и открыется вышний на престоле суда, и пройдут беды, и долготерпение соберется: ³⁴ суд же един пребудет, истина станет, и вера возможет, ³⁵ и дело последовати будет, и мзда покажется, и правды воспрянут, и неправды не возобладают. ³⁶ И рекох: первый авраам о содомлянехъ молился, и моисей за отцы согрешшия в пустыни, ³⁷ и иже по нем за израиля во дни ахаза и самуила, ³⁸ давид о сокрушении, и соломон за сих, иже приидоша во освящение, ³⁹ и илиа за тех, иже дождь прияша, и за мертва, да оживет, ⁴⁰ и езекиа за люди во дни сеннахирима, и мнози за многих: ⁴¹ аще убо ныне, егда тленное возрасте, и неправда умножена есть, и молишася праведнии за нечестивых, вскую и ныне тако не будет? ⁴² И отвеща ко мне и рече: настоящий векъ не есть конец, слава в нем частая пребывает: того ради молишася за немощных: ⁴³ день бо судный будет конец времене сего и начало времене будущаго безсмертия, в немже мимоиде тление, ⁴⁴ разрушися невоздержность, отсечено есть неверие, возрасте же правда, возсия истина: ⁴⁵ тогда бо никтоже может спасти того, иже погибе, ни потопити того, иже победи. ⁴⁶ И отвещах и рекох: сие есть слово мое первое и последнее, яко лучше бе не дати земли адаму, или егда уже дана бысть, удержати его, да не согрешит: ⁴⁷ что бо пользует человеком в настоящемъ веце жити в скорби, и мертвым чаяти казни? ⁴⁸ о, что сотворил еси, адаме? аще бо ты согрешил еси, не единаго тебе сотворися падение, но и наше, иже от тебе произыдохом: ⁴⁹ что бо пользует нам, аще обещано есть нам безсмертное время, мы же смертная дела соделахом? ⁵⁰ и яко предреченно есть нам вечное упование, мы же строптивии суетни сотворихомся? ⁵¹ и яко отложена суть нам жилища здравия и покоя, мы же лукаво жили есмы? ⁵² и яко пред(у)готована есть слава вышняго защитити тех, иже позде пожиша, мы же по стропотным путем ходихом? ⁵³ и яко показан будет рай, егоже плодъ нерастлен пребывает, в немже есть покой и врачба, ⁵⁴ мы же не внидем, в неблагодарных бо местехъ пожихом? ⁵⁵ и яко паче звезд возблистают лица тех, иже воздержание имеяху, наша же лица паче тмы черна? ⁵⁶ ибо не помышляхом живуще, егда беззаконие творихом, яко имамы по смерти терпети. ⁵⁷ И отвеща и рече: сие есть помышление подвига, имже подвизатися будет на земли рожденный человек, ⁵⁸ да аще побежден будет, претерпит еже рекл еси, аще же победит, восприимет еже глаголю: ⁵⁹ понеже сей есть живот, о немже моисей рече, егда живяше, к людем, глаголя: избери себе живот, да живеши: ⁶⁰ не вероваша же ему, но ни после его пророком, ниже мне, иже глаголал есмь им, ⁶¹ яко не была бы скорбь в погубление их, якоже будет радость тем, имже усоветовано есть спасние. ⁶² И отвешах и рекох: вем, Господи, яко назван есть вышний милосерд, понеже помилуетъ тех, иже не у в век приидоша, ⁶³ и яко милует тех, иже житие творятъ по закону его, ⁶⁴ и долготерпелив есть, яко долготерпитъ сим, иже согрешиша, яко своему творению, ⁶⁵ и щедр есть датель, яко даяти хощетъ по требованием, ⁶⁶ и многомилосерд, понеже умножает милосердие тем, иже и настоящии суть, и иже минуша, и иже будут: ⁶⁷ аще бо не умножит милосердия своего, не оживет век с теми, иже наследят в нем, и дарствует: ⁶⁸ понеже аще бы не дарствовал от благости своея, да облегчатся сии, иже беззаконие сотвориша от своих беззаконий, то не возмогла бы десятотысящная часть жива быти человеков: ⁶⁹ и судия, аще бы не простил оным, иже изцелени суть словом его, и потребил бы множество распрей, ⁷⁰ не бы осталися быша в безчисленнем множестве, разве мали зело.