¹ И повеле Господь киту великому пожрети иону. И бе иона во чреве китове три дни и три нощи. ² И помолися иона ко Господу Богу своему от чрева китова ³ и рече: возопих в скорби моей ко Господу Богу моему, и услыша мя из чрева адова вопль мой, услышал еси глас мой: ⁴ отвергл мя еси во глубины сердца морскаго, и реки обыдоша мя вся высоты твоя и волны твоя мне преидоша. ⁵ И аз рех: отринуся от очию твоею: еда приложу призрети ми ко храму святому твоему? ⁶ Возлияся на мя вода до души моея, бездна обыде мя последняя, понре глава моя в разселины гор, ⁷ снидох в землю, еяже вереи ея заклепи вечнии: и да взыдет из истления живот мой к тебе, Господи Боже мой. ⁸ Внегда скончаватися от мене души моей, Господа помянух, и да приидет к тебе молитва моя ко храму святому твоему. ⁹ Хранящии суетная и ложная милость свою оставиша: ¹⁰ аз же со гласом хваления и исповедания пожру тебе, елика обещах, воздам тебе во спасение мое Господеви. ¹¹ И повеле Господь китови, и изверже иону на сушу.